War-saxaafadeed

Shirkan Jaraa’id waxuu ku saabsanyahay dhacadii ka dhacday Axadii degmada Jilib oo diyaaradaha dagaalka ay geysteen khasaare isla markaana goobtaas lagu dilay 4 wiil iyo gabar oo uu dhalay Abdullahi Macallin Hussein.

Waxaan maanta xafiiskeyga ku qaabilay Abdullahi Macallin Hussein oo aan si shaqsi ah uga tacsiyeeyey dhimashada shantiisa carruur, waxaana EEBBE uga baryey inuu samir iyo iimaan isaga iyo shacabka Soomaaliyeed ka siiyo.

Dowladda Soomaaliya waxey si deg-deg ah u sameyn doonaa baaritaan dhab ah ee la xiriira dhacdadaas iyagoo lala kaashanayo dowladda Kenya.

Kenya iyo Soomaaliya waxey wadaan howlgal ballaaran oo looga soo horjeedo kooxaha nabad-diidka ah ee shacabka ka hor-istaagay gar-gaarka bani’aadanimo iyo nabaddii. Waxaan rajeyneynaa in howlgalladaas lagu guuleysto oo shacabka Soomaaliyeed laga dul qaado cadowgooda Al-Shabaab si shacabka Soomaaliyeed ay ku noolaadaan nabad waarta.

Markale Dowladda Soomaaliyeed aad iyo aad bey uga xuntahay qasaaraha shacabka waxaana lagu dadaalayaa in dhacadadaan laga faa’iideysto oo la yareeyo ama la joojiyo khasaaraha shacabka.

Dowladda Soomaaliyeed waxaa ka go’an in dalka lagu soo dabaalo nabad oo shacabku ay ka tashadaan aayahooda.

Faah faahin dheeraad ah ayaa kasoo baxay dagaalo xalay ka dhacay deegaanada Qooqaani iyo Taabto ee gobolka J/hoose.

Ilaa iyo 7 ruux oo ahaa dhinacyadi dagaalamayey ayaa ku dhintay iska hor imaadyo ciidamada dowlada oo garabsanaya milatariga Kenya iyo Al shabaab oo dhinac ah oo ka dhacay duleedyada Qooqaani iyo Taabto.

Saraakiil ka tirsan ciidanka dowlada ee ku sugan Jubada Hoose ayaa sheegay in dagaalyahano ka tirsan Al Shabab ay soo weerareen fariisimo ay ku leeyihiin deegaanada ay soo sheegnay, iyaga oo sheegay in ay iska difaaceen isla markaana ay ka dileen ilaa iyo 5 dagaalyahan.

Raadiyaha ku hadlo codka Al Shabab ayaa sheegay in weerar ay dagaalyahanada Al Shabab ku qaadeen fariisimo ay ciidamada Kenya ku leeyihiin Jubada Hoose ay ku dileen in ka badan 10 dagaalyahan.

Dagaalkan ayaa kusoo beegmayo xilli diyaarado dagaal oo ay leeyihiin Kenyanka ay shalay galab duqeeyeen fariisimo ay Al Shabab ku leeyihiin deegaano hoos taga degmada Afmadow ee gobolka Jubada Hoose.

Wasiirka gaashaandhigga oo hambalyo u diray ciidamada qalabka sida meel kasta oo ay joogaan kadib guulihii ay ka gaareen howlgallada ay ka wadaan dalka gaar ahaan magaaladda beledweyne oo ay saaka la wareegeen CXDS.

R/wasaare ku xigeenka ahna wasiirka gaashaandhigga Soomaaliye Xuseen Carab Ciise oo maanta wareysi gaar ah siiyay war baahinta qaranka ayaa ugu horreyn hambalyo ku aadan sanadka cusub u diray ciidamada xoogga dalka iyo shacabka Soomaaliyeed gaar ahaan shacabka reer baladweyne ee gobalka Hiiraan oo uu sanadkan cusub ka baxay gumeysigii shabab kadib markii ay ciidamda xoogga dalka saakay la wareegeen gacan ku haynta magaaladaasi.

Wasiirka Difaaca ayaa sidoo kale sheegay in sanadkan cusub uu noqon doono sanadkii dalka oo dhan laga xureeyn lahaa maleeshiyadka shabab isagoo shacabka u rajeeyay in ay ku noolaan doonaan nabad iyo baraare.

Ciidamda qalabka sida ayaa sanadkan waday dadaalkii ugu ballaarnaa ee dalka looga xoreynayay malleeshiyaadka shabaab kuwaasi oo u suurta gashay in magaalda Muqdisho ay ku xureeyaan shabaab iyadoo sidoo kale ka xorreeyay shabaab deegaanno ka mid ah gobollada Jubbooyinka Gedo iyo Hiiraan.

WIXII WARAR CUSUB AH HA MOOGAAN www.burucnews.com

Waxaa maanta magaalada Boosaaso qarax lagula beegsaday Wasiirka maaliyadda ee Puntland Faarax Cali Shire iyo Gudoomiyaha gobolka Bari Cabdisamed Maxamed Gallan.

Qaraxa oo ka dhashay Miino wadada dhinaceeda la dhigay ayaa lala bartilmaameedsaday xilli labada Mas’uul oo ay weheliyaan ilaaladooda gaarka ahi ay kusii jeedeen dhinaca guriga wasiirka Maaliyada oo ku yaala dhabarka danbe ee Xalwo-Kismaayo2 ee xaafada New-Boosaaso.

Ma jiro wax khasaare ah oo qaraxaas ka dhashay waxaana sida ay Horseed Media u xaqiijiyeen qaar kamid ah ilaalada Gudoomiyaha gobolku uu qaraxaasi dhacay waxyar kadib markii goobta miinadaas lagu aasay ay labada mas’uul iyo Istaafkoodu gudbeen.

Goobta qaraxu ka dhacay ayaa waxaa durbadiiba isku gadaamey ciidamada Booliska waxaana socda baaritaano lagu raad goobayo ciidii falkaas qaraxa ah geystey.

Ma ahan markii ugu horeysey oo Mas’uuliyiin dowlada Puntland ka tirsan gudaha magaalada Boosaaso qarax lagula beegsado , haseyeeshee horay ayaa sidan oo kale waxaa Miinooyinka dhulka lagu aaso iyo kuwa gacanta laga tuuro loogu soo weeraray mas’uuliyiin badan oo uu gudoomiyihii hore ee gobolku kamid ahaa.

Si kastaba ha ahaatee ammaanka magaalada Boosaaso ayaa ah mid xasiloon inkasta oo todobaadkii ugu danbeeyey ay qaraxyo qaarkood dad ku dhinteeni dhaceen.

WIXII WARAR CUSUB AH HA MOOGAAN www.burucnews.com

Dowladda Federalka KMG ee Soomaaliya ayaa maanta ku dhawaaqday inuu bilowday “Howlgalka soo celinta Nabadda iyo Xasiloonida Soomaaliya” iyadoo lala kaashanayo saacidaada beesha caalamka iyo waddamada deriska ah.

“Maanta, shacabka iyo Dowladda Soomaaliya waxey u istaageen la dagaalanka kooxaha sheydaamiinta ee Al-Qaeda iyo Al-Shabaab oo in muddo ah ku hayey argagaxisnimo iyo dil ay u geysteen Soomaali fara badan. Shacabkayagu in muddo ah bey kala kulmayeen silc iyo dhibaato kaga imaneysey kooxaha Al- Shabaab. Maanta waxaan bilownay howlgalladii shacabka Soomaaliyeed looga xorreynayey gumeysiga kooxaha argagaxisada ee Al-Shabaab.” Sidaas waxaa yiri Ra’iisul Wasaaraha Soomaaliya Dr Abdiweli Mohamed Ali.

Shacabka Soomaaliyeed dhibaatooyin fara badan baa ka soo gaaray ku hoos noolaashada kooxaha xag-jirka ah oo in muddo ah si waxushnimo ah ula dhaqmayey shacabka. Al-Shabaab waxey ka mid yihiin golaha argagaxisada caalamiga ah ee uu hoggaamiyo kooxda Al-Qaeda.

“Howlgalkan soo celinta Nabadda iyo Xasiloonida Soomaaliya waxuu u socdaa si wanaagsan oo qorsheysan. Saakay, Ciidanka Xooga Dalka Soomaaliyeed waxey goobo muhiim ah ka qabsadeen kooxihii Al-Shabaab ka dib dagaal ku dhexmaray gobolka Hiiraan. Waxaan si rasmi ah u codsaneynaa kaalmada iyo is-garab istaaga beesha caalamka guud ahaan iyo dowladaha deriska ah sida Ethiopia si loo saacido shacabka iyo Dowladda Soomaaliyeed laguna saacido howlgalkan taariikhiga ah. “ Sidaas waxaa yiri Ra’iisul Wasaaraha Soomaaliya Dr Abdiweli Mohamed Ali.

Ujeedada howlgalkan ayaa ah in laga xorreeyo shacabka Soomaaliyeed kooxahan arxan laawayaasha ah ee xagjirka ah. Howlgalkan waxuu sii kordhinayaa goobaha nabadda ee Soomaalida si ay u helaan kaalmada ama gurmadka caalamiga ah oo ay si aad ah ugu baahanyihiin.

Dowladda Federalka Soomaaliya waxey si deg deg ah uga dalbaneysaa beesha caalamka iyo hay’adaha gar-gaarka bani’aadanimo inay gar-gaar bani’aadanimo la soo gaaraan goobaha laga xorreeyo kooxaha Al-Shabaab.

xigasho: Xafiiska Raysal Wasaaraha

WIXII WARAR CUSUB AH HA MOOGAAN www.burucnews.com

Sida wararkii ugu danbeyey ay shegayaan Ciidamada Ethiopia iyo kuwo aan badneyn oo Soomaali ah ayaa lagu arkayaa Gudaha magaalada Baladweyne ka dib markii ay ka baxeen Ciidamadii Al-Shabaab ee horey ugu sugnaa halkaas.

Warka ayaa sheegaya in aan la ogey xarakada Al-shabaab ciidamadoodii halka ay ka baxeen ka dib dagaalkii saakey oo ahaa mid culus oo madaafiic lagu garaacey Gudaha Magalada taas oo aan la hubin ilaa hada khasaaraha ka dhashey waxaana lashegayaa in xiligaan ay joogaan gudaha magaaladaas ciidamo Ethiopian ah.

Sida ay sheegayaan dadka ku sugan magaalada Baladweyne ee gobolka Hiiraan oo saaka uu ka dhacay dagaalo iyo duqeymo u dhaxeeya ciidamada Ethiopia iyo kuwa dowladda KMG oo isgarabsanaya iyo Xarakada Al Shabaab ay la wareegtay dowladda Soomaaliya.

Dad goobjoogayaal ah ayaa ku waramaya in magaalada oo ay isaga baxeen Al Shabaab ay hada gacanta ku hayaan ciidamada dowladda Ethiopia iyo kuwa dowladda KMG Soomaaliya, iyadoo dagaalka la sheegay in uu ka dhashay qasaaro kaasi oo aan la ogeyn inta uu la egyahay.

Xaaladda ayaa ah mid kacsan dadka ku dhaqan magaaladana waxa ay muujinayaan cabsi kuwaasi oo qaarkood isaga cararay magaalada si dagaalka uusan saameyn ugu yeelan.

Wariye Mohamed Muuse Baladweyne

WIXII WARAR CUSUB AH HA MOOGAAN www.burucnews.com

Maxkamad ay Al Shabaab ku leeyihiin degmada Balcad ayaa shalay fulisay xakuno isugu jira rajmin (Dhagax nafta uga goyn) iyo adima goyn oo lagu fuliyey laba nin oo lagu helay danbiyo culus.

Qaadiga maxkamada AL Shabab ee degmada Balcad ayaa garoonka degmada kala hadlay dadweynaha isaga oo ka hor aqriyey danbiyada lagu soo kala eedeyey raga laga oofiyey xadka.

Labada nin ayaa kan dhagaxa lagu dilay waxa lagu eedeeyey inuu kufsaday gabar oo ay ilmo habreed ahaayeen sida wararku ay sheegayaan isaga oo horay usoo maray nikaax, halka wiilka kale oo laga gooyey lug iyo cagan is dhaaf ah lagu soo qabtay isaga oo wadada ku jira oo dad dhacaya.

Boqolaal dadweyna ah ayaa daawanayey sida ay howshaasi u fulinayeen dagaalyahano ka tirsan Al Shabab oo dhagax nafta uga riday ninka lagu soo eedeeyey kufsiga iyo ka kale oo ay lug iyo gacan is dhaaf ah ka jareen.

Hey’ada Culimada Soomaaliyeed ayaa horay uga soo horjeesatay in xiligaan aanan dalka laga fulin karin xakuno noocaasi oo kala ah, iyada oo ku sababeysay in Al Shabab aysan wada heysan dhamaan dalka.

Hey’ada waxay sheegtay hadal ay sanadki 2010 soo saartay in diinta ay qabto in cida awooda u leh in xakuno xad oofin ah ay tahay maamul wada heyta dhamaan dalka, laakin hadalkaasi waxaa wax lagu qoslo ku tilmaantay Al Shabab.

Al Shabab ayaa shareecada Islaamka ku xakunto gobolada dalka ee ay gacanta ku heyso.

WIXII WARAR CUSUB AH HA MOOGAAN www.burucnews.com

Dagaalo xoog leh ayaa ka qarxay saakay duleedka Magaalada Baladweyne ee gobolka Hiiraan kuwaasi oo u dhaxeeya ciidamada dowlada iyo kuwa Al Shabab.

Dagaalada oo sida la sheegayo ay ka qeybgalayaan ciidamo Ethiopian ah ayaa waxa qaaday ciidanka dowlada oo sadex jiho ka weeraray magaalada.

Saraakiisha hogaamineysa ciidanka dowlada ayaa sheegtay in ay qabsadeen garoonka diyaaradaha Ugaas Qaliif iyo buurta Jante Kuwindishe oo 5-km dhanka bari kaga beegan magaalada, hase yeeshee ma jirto wax war ah oo kasoo baxay dhanka Al Shabab.

Madaafiicda ayaa si xoog leh ugu shubmeyso magaalada walow ay u badantahay xaafadaha dhinaca bari oo soo xiga jihada dagaalada xoogooda ay ka socdaan, sida ay inoo xaqiijiyeen dad kala duwan oo aan la xiriirnay.

Wasiirka gaashaandhiga dowlada KMG Soomaaliya, Xuseyn Carab Ciise ayaa ku tilmaamay dagaaladan howlgal qorsheysnaa oo ay dajisay dowlada kaasi oo ay lagu doonaya baa lagu yiri in lagu qabto guud ahaan dalka.

Wararki ugu danbeyey ee aanu ka heleyno Baladweyne ayaa sheegaya in dad badan ay ka barakaceen guryahooda kuwaasi oo ka baqanaya in dagaalada ay saameeyaan.

WIXII WARAR CUSUB AH HA MOOGAAN www.burucnews.com

Wefdigii ballaarnaa ee uu hogaaminayay Ra’iisul Wasaaraha Soomaaliya Dr. Cabdiweli Maxamed Cali Gaas ayaa galabta dib ugu soo laabtay magaalada Muqdisho ee caasimadda dalka iyaga oo ka soo ambabaxay magaalada Bosaaso ee xarunta maamulka Puntland halkaasoo booqasho labo todobaad qaadatay uu ku tegay.

Ka hor inta uusan ka soo dhoofin Ra’iisul Wasaare Gaas magaalada Bosaaso ayaa waxaa garoonka u soo sagootiyay madaxweynaha maamulka Puntland Mudane Cabdiraxmaan Faroole iyo wasiiro ka tirsan Puntland wuxuuna la hadlay saxaafada gudaha isaga oo u mahadceliyay madaxda Puntland, shacabka iyo ciidamada sida hagar la’aaneed ee ay u soo dhoweeyeen ergooyinkii ka soo qeybgalay shirkii wadatashiga ee Dastuurka Soomaaliya kaasoo ay ka soo baxeen miro wanaagsan oo mustaqbalka dalka ka turjumaya.

Ra’iisul Wasaaraha iyo wefdigiisa ayaa waxaa ay galabta ka soo degeen garoonka Caalamiga ah ee Aadan-cadde halkaasoo ay ku soo dhoweeyeen Wasiiro, Xildhibaano, saraakiil, iyo bulshada Rayidka ah.

Ra’iisul Wasaaraha ayaa saxaafada u sheegay in safarkii mudada qaatay ee uu ku soo maray qeybo ka mid ah degaanada Puntland uu ahaa mid aad u xiiso badan oo natiijo wnaagsana ka soo baxay isaga oo tilmaan u soo qaatay shirkii najaxay ee Garowe isaga oo rajeeyey inay meel mar noqon doonaan dhamaan qodobada ka soo baxay shirka.

Dhinaca kale, Ra’iisal Wasaaruhu waxa uu tacsi u diray dowladdaha Beljim-ka iyo Indonesiya isaga oo uga tacsiyadeeyey dilkii magaalada Muqdisho maalin ka hor loogu geystay samafalayaal u dhashay dowladdahaasi oo u shaqeynayay hay’adda MSF Spain, wuxuuna muujiyay in dowladda iyo shacbiga Soomaaliyeedba ay aad uga xunyihiin dhimashada samafalayaashaasi.

Xigasho Xafiiska R/wasaaraha.

WIXII WARAR CUSUB AH HA MOOGAAN www.burucnews.com

Xildhibaan labaad oo isu soo sharaxay xilka gudoomiyaha baarlamaanka
Iyadoo wali uu xilka gudoomiyaha baarlamaanka ku fadhiyo Shariif Xasan Sheekh Adan ayaa waxaa mar kale xilkaasi isu soo taagay mudane kale oo ka tirsan baarlamaanka.

Xildhibaan Maxamuud Macalin Yaxye oo ka mid ah xildhibaanada kasoo jeedo deegaanada Bay iyo Bakool ayaa maanta iclaamiyey inuu u taaganyahay xilka gudoomiyaha baarlamaanka Soomaaliya.

Shir jaraa’id oo uu ku qabtay magaalada Muqdisho ayuu ku sheegay in uu xilka gudoomiyaha maranyahay sidaasi daraadeedna uu u go,aansaday inuu isu soo rashaxo.

“Aniga oo ah Maxamuud Macalin Yaxye ayaan halkaan ka cadeynayaa in aan isu soo taagay xilka gudoomiyenimada baarlamaanka Soomaaliyeed, intaasi ayaan rabay in aan gaarsiiyo umada Soomaaliyeed, waxyaabaha igu kalifay waxa weeye sidi loo heli lahaa baarlamaanka qof tubta toosan ku hogaamiyo.” ayuu yiri.

Waa xildhibaanki labaad ee xilkaan isu soo taago, maalin ka hor ayey aheyd marki xilkaan uu isu soo taagay xildhibaan Sheekh Nuur Cali Adan.

Mudanayaal badan oo ka tirsan baarlamaanka ayaa rumeysan inuu Shariif Xasan Sheekh Adan uu yahay mudane ka tirsan baarlamaanka, xilkana laga qaaday 13-ki bishaan, hase yeeshee madaxda dowlada iyo Sharif Xasan qudhiisa ayaa arrintaasi diidan.

Waxaa layaab ah iyadoo ummadii Soomaaliyeed silic iyo saxariir ku jirto in Golihii shacabku dagaal dhexdooda ah ka dhamaan waayeen halkii looga fadhiyey inay shacabka mideeyaan ayna horay mariyaan danta guud.

WIXII WARAR CUSUB AH HA MOOGAAN www.burucnews.com

Wefdiga Raysalwasaaraha ayaa ka koobnaa xaaskiisa Emine Erdogan iyo gabadh uu dhalay, waxaana ku wheliyey masuuliyiin ka tirsan golaha xukuumadda iyo baarlamaanka dalka Turkiga, waxaana kamid ahaa masuuliyiinta safarkiisa ku weheliyey:

Kuxigeenka Raysalwasaaraha Bekir Bozdag, Wasiirka Arrimaha Dibadda Ahmed Davutoglu, Wasiirka Qoyska iyo Arrimaha Bulshada Fatma Sahin, Wasiirka Caafimaadka Recep Akdag, Wasiirka Cunada, Beeraha iyo Xoolaha Mehdi Eker, Kuxigeenka Guedoomiyaha Xisbiga talada Turkiga haya (AK) Omer Celik iyo agaasimaha guud ee arrimaha diinta Mehmed Gormez.

Diyaarad ka soo horeysey wefdiga raysalwasaaraha ayaa sidey ciidamo ka socda dalka Turkiga kuwaas oo si gaar ah u ilaalinaayey wefdiga raysalwasaaraha maadaama amaanka Muqdisho si wanaagsan aanu cagaha ugu istaagin.
Madaxweynaha Soomaaliya Shiikh Shariif Shiikh Axmed iyo masuuliyiin ka tirsan Dawladda Soomaaliya ayaa ku soo dhaweeyey garoonka diyaaradaha, waxaana garoonka oo dhan lagu xardhey calamada Turkiga iyo Soomaaliya. Kadib soo dhaweyntii loo sameeyey Raysalwasaraha Turkiga iyo Wefdigii la socdey waxaa loo gudbiyey xeradii u horeysey ee loo diyaariyey in ay booqdaan taas oo ahayd Xerada Rajo ee ku taala Degmada Wadajir.

Raysalwasaaraha Turkiga Erdogan ayaa xerada dhexdeeda ku salaamay caruur iyo hooyooyin la ildaran dhibaatadii abaarta, waxaana uu kor u qaadey qaar kamid ah caruurta isaga iyo xaaskiisa.

Raysalwasaaraha iyo xaaskiisa ayaa la hadley hooyooyinkii iyo caruurtii ku sugnaa badbaado2 waxaana ay u qaybiyeen shukaalatooyin iyo buskut, iyaga oo si naxariis leh dhulka ula fariistey.

Erdogan ayaa intaas ka dib ku dhawaaqey in xarunta Hay’adda Bisha Cas ee dalka Turkiga laga furey Muqdisho, isla markaana laga hirgelinaayo Isbitaal u gaar ah dadka macaluushu haleeshay iyo caruurta la ildaran nafaqo darida, waxaana isbitaalka laga furey fagaaraha tarabuunka.

Waxaan u sheegayaa dhamaan hooyooyinkii caruurtooda ku waayey musiibadan in Isbitaalkii la hirgelinaayo dhawaana uu shaqo bilaabayo…. ayuu yiri Erdogan.
Agaasimaha guud ee hay’adda Bisha Cas ee dalka Turkiga ayaa raysalwasaaraha u sheegay in xerada cusub ee Badbaado 2 ama Rajo ay ku jiraan qoysas gaaraya 250 kuwaas oo u badan caruur iyo hooyooyin.

Wefdiga raysalwasaaraha oo ka koobnaa ilaa 2 diyaaradood ayaa lagu soo waramayaa in mid kamid ah diyaaradihii la socdey ay ciladi ka soo gaartey markii ay ku degeysey garoonka Adan Adde laakiin ma jirto cid wax ku noqotey.

Raysalwasaaraha ayaa horey u sii galbiyey shaxinado deeq ah oo dalka Turkigu ugu deeqay Soomaaliya, Dadka Turkiga ayaa u ururshey Soomaaliya adduun dhan 150milyan oo Dollar si wax loogu qabto musiibada ku habsatey Soomaaliya.

Raysalwasaaraha ayaa booqashiidii uu ku tegay Xerooyinka qaxootiga iyo goobaha caafimaadka kadib loo galbiyey Madaxtooyada.

Salaadii Jimacaha ayaa raysalwasaaraha iyo xubnihii la socdey kula tukadeen Madaxda Soomaaliya Masjidka Shuhadaa ee ku dhexyaala Madaxtooyada, waxaana salaadda kadib u bilaaban doona kulan uu la qaato Madaxda Soomaaliya oo uu kala hadlaayo arrimo ay u horeyso

- Mucaawanada la gaarsiinaayo dadka tabaaleysa
- Ciidamo ilaaliya gar-gaarka oo ururka Islaamku ku deeqay
- Furitaankii Safaaraddii Sooomaaliya ee Muqdisho
- iyo Sidii Turkigu uga qaybqaadan lahaa in Soomaaliya cagaheeda ugu istaagto

Waxaa lagu wadaa in shirka kadib ay soo wada saaraan warsaxaafadeed ku aadan booqashada wefdiga Turkiga ee Soomaaliya.

Saxaafadda caalamka ayaa si weyn u hadal haya booqashada Raysalwasaaraha Turkiga ee Muqdisho oo ah goob dagaaladu halakeeyeen, waxaana taasi muujineysaa sida dalka Turkigu ay uga go’an tahay in uu wax la qabto walaalaha Soomaaliyeed ee godka dheer ku dhacay muadada dheerna laguna ilaaway.

Racep Tayyip Erdogan ayaa noqonaya Raysalwasaarihii u horeeyey ee booqda dalka Soomaaliya muddo 20 sano ah, waxaana booqashadiisu indhaha caalamka ku soo jeedineysaa Soomaaliya, waxaana ay dhiiri gelin u tahay madax kale oo u arka in xalka Soomaaliya uu yahay mid aan dhaweyn isla markaana la heli karin.

Wefdiga dalka Turkiga ayaa lagu wadaa in isla galabnimada Maanta (Jimce) ay dib ugu laabteen dalkoodi, isla markaana ay saxaafadda kala hadlaan wixii ay soo arkeen iyo sida wax loogu qaban karo Soomaaliya.

Raysalwasaaraha Turkiga waxaa ku wehliya safarkiisa Xaaskiisa iyo gabadh uu dhalay, sidoo kale waxaa la socda afar ka mid ah golihiisa wasiirada oo uu ugu horeeyo wasiirka arrimaha dibadda Ahmet Davutoglu.

Magaalada Muqdisho ayaa si weyn ugu diyaargarowdey soo dhaweynta wefdiga, inkasta oo magaalada ay si weyn uga muuqato raadkii dagaaladii daba dheeraadey, haddana waxaa dariiqýada ka soo baxa garoonka diyaaradaha ilaa madaxtooyada babanaya calamada Turkiga iyo Soomaaliya, waxaana meelaha qaar lagu arkayaa sawirada madaxda Turkiga iyo Soomaaliya oo ku dhejisan.
Wefdiga Turkiga waxaa garoonka ku soo dhaweeyey Madaxda Soomaaliya oo aan u kala maqneyn, waxaana uu salaan sharaf ka qaatey cutubyo ka tirsan ciidanka xoogga dalka Soomaaliya.

Wefdiga dalka Turkiga ee uu hoggaaminaayey Raysalwasaraha Recep Tayyip Erdogan iyo madaxda Soomaaliya ayaa toos ugu gudbey xerada Rajo ee ay ku jiraan dad kumaankun qof kuwaas oo abaaruhu soo barakiciyeen, Wefdiga ayaa booqan doona xerada Badbaado ee ay ku jiraan dad kor u dhaafaya 100.000 oo qof, sidoo kale wefdiga ayaa tegi doona Isbitaalada ay ku jiraan dadka cudurka Kalooruhu soo ritey, waxaana qaar kamid ah Isbitaalada ka hawlgala dhakhaatiir dalka Turkigu soo direy.

Raysalwasaaraha Turkiga ayaa soo galbiyey deeq aad u badan oo dadka Turkigu ugu deeqay dadka macaluushu ku hayso Soomaaliya.

Erdogan ayaa noqonaya Raysalwasaarihii u horeeyey ee yimaada Soomaaliya muddo 20 sano ah, waxaana uu si weyn uga danqadey caruurta iyo haweenka gaajada u dhimadhimanaya qarniga 21aad.

Madaxweynaha Jamhuuriyadda Jabuuti Ismaaciil Cumar Geele iyo wefdi uu hoggaaminaayo ayaa maanta gaarey magaalada Muqdisho ee Caasimadda Soomaaliya.

Safarka Madaxweynaha oo aan horey loo sii shaacin ayaa lagu sheegay in Madaxweynaha Jamhuuriyadda Jabuuti uu u kuurgelaayo isbedelka magaalada Muqdisho ee dhanka amaanka, sidoo kale waxa uu indhihiisa ku soo arkayaa xaladda bini’aadanimo ee ka taagan ka taagan Koonfurta Soomaaliya.

Mudane Ismaaciil Cumar Gheele waxaa safarkiisa ku weheliyey qaar kamid ah golihiisa wasriiada sida Wasiirka Arrimaha dibadda
Madaxweynaha Soomaaliya Shiikh Shariif ayaa ku qaabiley wefdiga Garoonka Diyaaradaha ee Adan Cadde International, waxaana labada Madaxweyne salaan sharaf ka qateen cutubyo ka tirsan xoogga dalka Soomaaliya oo goobta lagu diyaariyey, sidoo kale waxaa ka qaybqaatey soo dhaweynta Madaxweynaha madaxda kala geddisan ee Dawladda kuwaas oo ay ugu horeeyaan afhayeenka Baarlamaanka iyo Raysalwasaaraha Soomaaliya.

Wefdiga Madaxweynaha ayaa wadey mucaawano gaareysa 13ton oo isugu jirta noocyada kala duwan ee raashinka iyo daawooyinka nafaqada.

Ismaaciil Cumar Geele ayaa isla maanta booqdey xerada ugu weyn ee Badbaado ee ay ku jiraan dadka abaruhu waxyeelada u geysteen isla markaana la sheegay in xaalad macaluul iyo darxumo ah ay hayso, Madaxweynaha Soomaaliya ayaa booqashada xeradaas ku weheliyey wefdiga Madaxweynaha.

Madaxweynaha Jamhuuriyadda Jabuuti ayaa sidoo kale booqdey Isbitaalka Hooyada iyo dhalaanka ee Banaadir, halkaas oo uu u kuur galay xaaladda nafaqo darro ee haysa caruurta iyo hooyooyinka halkaas ku jira. Goobaha kale ee Madaxweyne Geele booqdey waxaa kamid ahaa Wasaaradda Warfaafinta Soomaaliya, gaar ahaan Radio Muqdisho iyo telefishanka Qaranka Soomaaliya.

Mudane Ismaaciil Cumar Geele ayaa kulan la qaatey Madaxweynaha Soomaaliya Shiikh Shariif Shiikh Axmed, iyo weliba Raysalwasaare Dr.Cabdiweli Cali Gaas, kulankaas ayaa ka dhacay xarunta Madaxztooyada, waxaana lagu wadaa in labada Madaxweyne shir jaraa’id wada qabtaan.

Waa markii u horeysey ee Madaxweynaha Jabuuti yimaado Soomaaliya tan iyo bur-burkii dawladdii dhexe ee Soomaaliya 1991 markaas oo booqashooyin uu ku imaan jirey Madaxweynihii hore ee dalka aan walaalaha nahay Xassan Guuleed Abtidoon, rabbi ha u naxariistee.

Booqashada Ismaaciil Cumar ayaa ku soo beegmaysa iyada oo 48 saac ee soo socda la sugaayo in ay Muqdisho soo gaaraan wefdi culus oo uu hoggaaminaayo Raysalwasaaraha dalka Turkiga.

Si kastaba ha ahaatee waa markii labaad oo macaluusha iyo darxumadda ka taagan Soomaaliya ay ku soo jeediso indhaha caalmka iyo warbaahinta

Abdirashid Yusuf
Mugdisho Somalia

Wafdi oo uu hoggaaminayo Madaxweynaha Soomaaliya Mudane Shariif Sh. Axmed ayaa shalay si diiran loogu soo dhaweeyay magaala-madaxda waddanka Burundi ee Bujumbura.

Madaxweynuha dalka Burundi Mudane Pierre Nkurunziza ayaa gurigiisa ku qaabilay Madaxweynaha Soomaliya Mudane Sharif Sh. Axmed iyo waftigiisa. Kadib markii uu dhamaaday shir ay ka qayb galeen masuuliyiin sar-sare oo ka socda labada wadan ayaa waxaa shir gaar ah yeeshay labada Madaxweyne.

Shirkaan ayaa looga hadlay arrimo badan oo ay ka mid ahayeen horumarkii laga gaaray dhanka amniga siiba magaalaga Muqdisho, abaaraha ba’an ee ka jira dalka, la dagaalanka Al-Shabaab/Al-Qaeda iyo sidii loo xoojin lahaa xirriirka iyo caalaqaadka labada wadan.
Dhanka kale, Madaxweynaha Soomalia Mudane Sharif Sh. Axmed ayaa waydiistay dhiigiisa Burundi in uu ka taageero dowladiisa sidii ay ugu biiri lahayd East African Community. Madaxweynaha Burundi oo ka jawaabaya codsigaas ayaa balan-qaaday in dowladiisu ay u olo-oleyn doonto Soomaliya.

Madxweynaha Burundi ayaa uga mahad-celiyay Madaxweynaha Soomalia horumarkii ay dowladiisu ka gaartay dhanka amniga iyo siyaasada bilihii la soo dhaafay, Si doo kale Maxweynaha Soomaliya ayaa uga mahad-celiyay Madaxweynaha Burundi, xukuumada iyo shacabkiisa sida hagarla’aanta ah oo ay u taageereen wallalahood Soomalia. Madaxweynaha ayaa sidoo kale uga tacsiyeeyay xukuumada iyo shacabka Burundi askartoodii ku dhimatay ama ku dhaawacantay dagaaladii lagu xoreynayay shacabka Soomaliya.

Waftiga Maxweynaha ayaa waxaa ka mid ahaa Wasiirka Arrimaha Dibada, Wasiirka Ganacsiga iyo Gudoomiyaha Gobolka Banaadir.

Abdirashid Yusuf
Mugdisho somalia

The U.N.’s World Food Program for the first time acknowledged it has been investigating food theft in Somalia for two months. The WFP said that the “scale and intensity” of the famine crisis does not allow for a suspension of assistance, saying that doing so would lead to “many unnecessary deaths.”

The U.N. says more 3.2 million Somalis — nearly half the population — need food aid after a severe drought that has been complicated by Somalia’s long-running war. More than 450,000 Somalis live in famine zones controlled by al-Qaida-linked militants, where aid is difficult to deliver. The U.S. says 29,000 Somali children under the age of 5 already have died.

International officials have long expected some of the food aid pouring into Somalia to go missing. But the sheer scale of the theft taking place calls into question aid groups’ ability to reach the starving. It also raises concerns about the willingness of aid agencies and the Somali government to fight corruption, and whether diverted aid is fueling Somalia’s 20-year-civil war.

“While helping starving people, you are also feeding the power groups that make a business out of the disaster,” said Joakim Gundel, who heads Katuni Consult, a Nairobi-based company often asked to evaluate international aid efforts in Somalia. “You’re saving people’s lives today so they can die tomorrow.”

Vast piles of food sacks with stamps on them from the World Food Program, the U.S. government aid arm USAID and the Japanese government are for sale in Mogadishu markets. The AP found eight sites where aid food was being sold in bulk and numerous smaller stores. Among the items being sold were corn, grain, and Plumpy’nut — a specially fortified peanut butter designed for starving children.

An official in Mogadishu with extensive knowledge of the food trade said he believes a massive amount of aid is being stolen — perhaps up to half of aid deliveries — by unscrupulous businessmen. The percentage had been lower, he said, but in recent weeks the flood of aid into the capital with little or no controls has created a bonanza for businessmen.

The official, like the businessmen interviewed for this story, spoke on condition of anonymity to avoid reprisals. At one of the sites for stolen food aid, about a dozen corrugated iron sheds are stacked with sacks. Outside, women sell food from open 110-pound (50-kilogram) sacks, and traders load the food onto carts or vehicles under the indifferent eyes of local officials.

Stolen food aid is not new in Somalia — it’s the main reason the U.S. military become involved in Somalia during the country’s 1992 famine, an intervention that ended shortly after the military battle known as Black Hawk Down. There are no indications the military plans to get involved in this year’s famine relief efforts.

WFP said in a statement that it has put into place “strengthened and rigorous” monitoring and control in Somalia. “However, given the lack of access to much of the territory due to security dangers and restrictions, humanitarian supply lines remain highly vulnerable to looting, attack and diversion by armed groups,” WFP told the AP.

Abdirashid Yusuf
Mugdisho somalia

Ciidamada ka socda Midowga Africa ee AMISOM ayaa maanta ka helay guri ku yaala waqooyiga magaalada Muqdisho wershed macmal ah oo samayn jirtey waxyaabaha qarxa, Wershadda ayaa sidoo kale loo adeegsan jirey weerarada ismiidaaminta ah ee lagu soo rakibo gawaarida aaladaha qarxa
AMISOM ayaa sheegtay hawlgal ay wadeen muddo laba maalmood ah in ay kuheleen wershaddan oo weli ay ku sugnaayeen xubno ka tirsan xarakadda al-shabaab, kuwaas oo ilaalinaayey wershadda, Waqooyiga degmada Wardhiigley.

Ciidanka AMISOM ayaa sheegay in ay caddahay oo ay tahay mid marag madoonto ah in gurigu ahaa xarunta ama wershadda waxyaabaha qarxa ay ku samayn jireen Shabaabku
Waa xaruntii labaad ee ay ka buuxaan waxyaabaha qarxa ee ciidanka AMISOM iyo kuwa Dawladdu ay helaan tan iyo markii Xarakada al-Shabaab ay ka baxeen qaybo kamid ah Muqdisho.

Waxaa la rumeysan yahay in magaalada Muqdisho ay ka buuxaan guryo badan oo loo isticmaali jirey waxyaabaha qarxa ama ay yaalaan aalado aad halis u ah

Madaxweynaha Soomaaliya Shiikh Shariif Shiikh Axmed iyo wefdi uu hoggaaminaayo ayaa maanta (Isniin) u duuley dalka Burundi, waxaa madaxweynaha horey u sii raacey qaar kamid ah golaha wasiirada iyo guddoomiyaha gobolka Banaadir.

Safarka Madaxweynaha ayaa lagu micneeyey mid uu ku jirey ayaamihii la soo dhaafey isla markaana taageero uga raadinaayo dalalka gobolka iyo kuwa daneeya arrimaha Soomaaliya kadib bixitaankii xarakada al-Shabaab ay ka baxeen qaybo kamid ah Muqdisho.

Dalka Burundi ayaa ciidamo gaaraya 4000 oo askeri ka joogaan gudaha Soomaaliya, kuwaas oo kamid ah ciidamada Midowga Africa ka jooga Soomaaliya ee AMISOM, Xukuumadda Bujumbura, ayaa muhim u ah geedi socodka Dawladda Federaalka. Waxaa lagu wadaa in Madaxweynuhu la kulmo dhigiisa dalka Burundi Pierre Nkurunziza, waxaana lagu wadaa in Madaxweynhu ka codsado sidii dalka Burundi u balaarin lahaa hawlaha ilaalinta nabadda ee Soomaaliya.

Madaxweyne Shiikh Shariif oo booqasho ku tegay dalka Uganda todobaadkii hore kaga codsadey madaxweynaha dalka Uganda in ay soo kordhiyaan ciidamada nabad ilaalinta ee AMISOM, taas oo Musaveni aqbalay isla amrkaana ku yaboohay 2000 oo askeri in lagu xoojiyo ciidanka AMISOM

Mubarak ayaa lagu eedeeyey musuqmaasuq iyo in uu bixiyey amarka lagu diley dad ku mudaaharaadsanaa xukunkiisa dheeraadey, maalmihii Masar ay ku jirtey kacdoonka shacab, sidoo kale waxaa lagu eedeeyey in si aan sharci ahayn uu uga gadi jirey Israel gaaska dabiiciga ah ee dalka Masar.

Maxkmadda maanta dib bilaamatay Mubarak ayaa waxaa ku weheliya labadiisa wiil oo iyaguna ku eedaysan Musuqmaasuq.

Mubarak ayaa dhegaysigii maxkmaddii hore ka sheegay in uu inkiraayo dhamaan eedaymaha loo jeediyey si duuduub ah.

Haddii denbiyada lagu soo oogey Muabarak lagu helo waxa uu khatar u yahay in lagu xukumo Dil.

Garsooraha Maxkamadda ayaa sheegay in Wasiirkii hore ee Gaashaandhiga su’aalo laga weydiinaayo doorkii Mubarak ku lahaa 18 maalmood ee kacdoonku socdey dadkii la laayey. Dadka wax laga weydiin doono dacwadda Mubarak waxaa kamid noqon doona ninka hadda u sareeya dalka Masar waa Marshal Mohamed Hussein Tantawi oo ah hoggaamiyaha golaha sare ee Ciidanka dalka Masar.

Qareenka Mubarak ayaa keenay Maxkamadda in ka badan 1600 oo magac oo codsadey in wax laga weydiiyo doorkii Mubarak, waxayna noqon karaan Markhaantiyaal.

Xaakimka Maxkmadda ayaa ku dhawaaqey in maxkmadda Mubarak ay dib u furmi doonto bisha 5ta September, waxaana garsooruhu ku dhawaaqey in aysan jiri doonin mar danbe in la daawado Telefishanada caalamka oo ay noqon doonto mid aan loo ogoleyn Kaamarooyinka telefishanada.

Banaanka hore ee Maxkamadda waxaa dhoobnaa dad taageerayaal u ahaa Mubarak iyo kuwo taageersan maxkamadda la soo taagey Mubarak, waxaana dhexmaray gacan ka hadal inkasta oo markii danbe ciidmada boolisku ay dhexgaleen.

Maxkamadda la soo taagey Madaxweynihii hore ee dalka Masar ayaa ah mid aan ka dhicin dalalka Carabta iyo weliba qaarada Afrika, taas oo madaxdu ka adagyihihiin shacabka, noloshooda oo dhan ku naalooda sidii ay rabaan waana adagtahay in maxkmad la horkeeno oo wax laga weydiiyo sidii ay dalka u maamuleen iyo hantida ay urursadeen.

Mudaddii kacdoonku ka socdey dalka Masar waxaa ku dhintey 850 qof, waxaana ku dhaawacmey 6000 oo qof.

Ra’iisul Wasaaraha Xukuumada Federaalka KMG ah ee Soomaaliya Mudane Dr. Cabdiweli Maxmaed Cali ayaa maanta xafiiskiisa ku qaabilay wefdi sare oo ay hogaamineyso Vlarie Amos oo ah ku-xigeenka Xoghayaha guud ee Q/midoobay ee arrimaha Bani’aadanimada.

Kulanka labada mas’uul oo soconayay muddo saacado ah ayaa waxaa lagu lafa guray arrimaha Bani’aadaminimada dalka Soomaaliya, gaar ahaana abaaraha ku dhuftay gobolada dalka Soomaaliya, iyadoo gabo gabadii kulankoodana ay saxaafada u faah faahiyeen natiijada kulankooda.

Ra’iisul Wasaaraha Xukuumada Federaalka KMG ah ee Soomaaliya Dr. Cabdiweli Maxamed Cali ayaa u sheegay warbaahinta inay ka wada hadleen wefdiga ay hogaamineysay Vlaria Amos arrimaha Bani’aadanimada iyo sidii Q/midoobay ay u ballaarin laheyd dedaalkeeda ku aadan u gargaarista shacabka Soomaaliyeed ee ay abaaruhu aafeeyeen.

Sidoo kale Ra’iisul Wasaaruhu wuxuu sheegay in ay ka wada hadleen sidii loo sugi lahaa ammaanka goobaha laga saaray Al shabaabka si howlaha gargaarku ay u noqdaan kuwa si habsami leh u socda.
Ku-xigeenka Xoghayaha guud ee Q/midoobay u qaabilsan arrimaha Bani’aadaminimada iyo xaaladdaha deg deg ah Vlaria Amos ayaa iyaduna sheegtay in Q/midoobay ay ballaarin doonto howlaha gargaarka Soomaaliya waxayna tilmaantay in xaaladda abaarta dalka Soomaaliya ay tahay mid heerkeedu sareeyo oo caruurtu ay u dhimanayaan nafaqo darro.

“Waxaan soo booqday Isbitalka Banaadir waxaana ku arkay xaalad aad u liidato oo caruurta” ayay tiri Mr. Amos oo tilmaantay in Q/midoobay ay laban laabi doonto gargaarka Soomaaliya si looga hortago macluusha sii baaheysa ee gobolada koofurta iyo bartamaha Soomaaliya.

Dhinaca kale, Vlaria Amos iyo wefdiga ay hogaamineysay oo uu ku jiray iskuxiraha howlaha gargaarka Bani’aadanimada ee Q/midoobay Mr. Mark Bowden ayaa waxay kormeer ku tageen Isbitalka Hooyada iyo dhallaanka ee Banaadir halkaasoo ay jiifaan boqolaal caruur ah oo la il daran nafaqo darri qaarkoodna la il daran cudurka shuban biyoodka

Abdirashid Yusuuf
Mugadisho , Somalia

Ra’iisul Wasaaraha Xukuumada Federaalka KMG ah ee Soomaaliya Mudane Dr. Cabdweli Maxamed Cali ayaa uga mahadceliyay dowladda iyo Shacabka Kuwait kaalmada ay soo gaarsiiyeen dadka abaaruhu halakeeyeen ee Soomaaliyeed.

Ra’iisul Wasaaruhu wuxuu hadalkan ka sheegay munaasabad hay’adda Bisha-cas ee Kuwait ay saaka ku goddoonsiisay Hay’adda Maareynta Musiibooyinka raashin gargaar ah oo tiradiisu dhantahay 3,300 Tone oo isugu jira Bur, Bariis, Sonkor, Saliid, Timir, Daawo iyo bacaha roobka laga galo iyadoo munaasabadani ay ka dhacday gudaha dekedda weyn ee Muqdisho

“Aadbaan ugu mahadcelinayaa kaalmadan ay dowladda iyo shacabka Kuwait u soo dhiibeen walaalahooda Soomaaliyeed si gaar ahna waxaan ugu mahadcelinayaa Amir Sabbah Al Ahmed” ayuu yiri RA’iisul Wasaaruhu isagoo xusay in kaalmadan uu rajeynayo in hay’adda maareynta Musiibooyinka si deg deg ah ugu qeybin doonto shacabka tabaaleysan ee gaajadu ka soo barakicisay guryahoodii.

Sidoo kale, Dr. Musaacid Rashid Al Cizi oo u hadlay hay’adda kaalmadan soo gaarsiisay shacabka Soomaaliyeed ee Bishacas Kuwait ayaa xusay in raashinkani ay ugu talo galeen dadka abaaruhu ku dhufteen ee Soomaaliyeed, isagoo xusay in deeq kale ay soo wadaan kuwaasoo ku iman doona dhanka Badda iyo berrigaba.

Abdirashid Yusuf
Mugadisho , somalia